హైదరాబాద్‌, ఏప్రిల్ 10: తెలంగాణ రాష్ట్రంలో 2025-26 విద్యా సంవత్సరానికి ఈఏపీసెట్‌ ద్వారా ఇంజినీరింగ్‌, అగ్రికల్చర్‌, ఫార్మసీ కోర్సుల్లో ప్రవేశానికి దరఖాస్తుల స్వీకరణ కొనసాగుతోంది. ఆలస్య రుసుములతో దరఖాస్తు గడువులు ఇలా ఉన్నాయి:

• రూ.500 ఆలస్య రుసుముతో: ఏప్రిల్ 14 వరకు

• రూ.2,500 ఆలస్య రుసుముతో: ఏప్రిల్ 18 వరకు

• రూ.5,000 ఆలస్య రుసుముతో: ఏప్రిల్ 24 వరకు

ఇప్పటి వరకు ఇంజినీరింగ్‌కు 2.16 లక్షలు, అగ్రికల్చర్‌, ఫార్మసీకి 84,000 దరఖాస్తులు అందాయి. ఎస్సీ వర్గీకరణ ఇంకా పూర్తి కాకపోవడంతో, అధికారులు అన్ని ఎస్సీ కులాల వారీగా దరఖాస్తులను తీసుకుంటున్నారు.

ఇంజినీరింగ్‌కు ఎస్సీ కులాలనుంచి 25,300, అగ్రికల్చర్‌కు 21,200 దరఖాస్తులు వచ్చాయి. ఇందులో మాదిగలు ఎక్కువగా — ఇంజినీరింగ్‌కు 13,287, అగ్రికల్చర్‌కు 12,763 దరఖాస్తులు చేశారు. మాల కులాల విద్యార్థుల నుంచి ఇంజినీరింగ్‌లో 30.31%, అగ్రికల్చర్‌లో 25.10% దరఖాస్తులు వచ్చాయి.

పరీక్ష తేదీలు:

• ఇంజినీరింగ్‌ పరీక్ష: మే 2 - మే 5

• అగ్రికల్చర్‌, ఫార్మసీ పరీక్షలు: ఏప్రిల్ 29, 30
  ఈ పరీక్షలు రెండు షిఫ్టులుగా ఆన్‌లైన్ విధానంలో నిర్వహించనున్నారు. ర్యాంకు ఆధారంగా కోర్సుల్లో సీట్లు కేటాయిస్తారు.