ట్రంప్ విధానం ప్రపంచ మార్కెట్లను కుదిపేసింది
డొనాల్డ్ ట్రంప్ అనేక దేశాలపై కొత్త పన్నులను ప్రకటించారు. ఈ అనూహ్య నిర్ణయం ప్రపంచ స్టాక్ మార్కెట్లను కుదిపేసింది, ముఖ్యంగా అమెరికాలో తీవ్ర ప్రభావం చూపించింది. పెట్టుబడిదారులు భయపడిపోవడంతో మార్కెట్లు కుప్పకూలాయి. నిపుణులు చెబుతున్నారు ఇది కోవిడ్ తర్వాత అత్యధిక పతనమని. భారీ పన్నుల వల్ల వ్యాపార వ్యయాలు పెరిగిపోతున్నాయి.
టెక్ రంగం మగధీరులకు భారీ నష్టాలు
ఈ మార్కెట్ పతనం టెక్ మిలియనీర్లను తీవ్రంగా ప్రభావితం చేసింది. మెటా సీఈఓ జుకర్‌బర్గ్ రూ.1.5 లక్షల కోట్ల మేర నష్టం చవిచూశారు. అమెజాన్ వ్యవస్థాపకుడు జెఫ్ బెజోస్ రూ.1.3 లక్షల కోట్లు, టెస్లా సీఈఓ ఎలాన్ మస్క్ రూ.74 వేల కోట్ల నష్టాన్ని ఎదుర్కొన్నారు. ఇతర ప్రముఖులు అయిన జెన్సన్ హువాంగ్, బిల్ గేట్స్, లారీ పేజ్, సెర్గీ బ్రిన్, సుందర్ పిచాయ్, టిమ్ కుక్ లు కూడా పెద్ద మొత్తంలో నష్టపోయారు.
ట్రంప్ నిర్ణయానికి చట్టపరమైన సవాళ్లు?
ట్రంప్ తీసుకున్న నిర్ణయం చట్ట పరంగా వివాదాస్పదమవుతుందనే అభిప్రాయాలు ఉన్నాయి. వ్యాపార సంస్థలు ఈ పన్నులను తగ్గించేందుకు లాబీయింగ్ చేయొచ్చు. IEEPA అనే చట్టం కింద ఈ నిర్ణయం తీసుకున్నారు, కానీ ఇంత పెద్ద ఆర్థిక మార్పుల కోసం ఈ చట్టాన్ని ఇప్పటివరకు వాడలేదు. చర్చల ద్వారా పన్నులు తగ్గే అవకాశం ఉందని ఆర్థిక మంత్రి వ్యాఖ్యానించారు.
