వరుణ్ చక్రవర్తి: మిస్టరీ స్పిన్నర్ వెనుక ఆసక్తికర ప్రయాణం
వరుణ్ 5 వికెట్ల మ్యాజిక్ – న్యూజిలాండ్‌పై భారత విజయం
భారత మిస్టరీ స్పిన్నర్ వరుణ్ చక్రవర్తి న్యూజిలాండ్‌తో జరిగిన మ్యాచ్‌లో అద్భుత ప్రదర్శన ఇచ్చాడు. 5 వికెట్లు తీసి కివీస్‌ను కంగారు పెట్టాడు. ఈ విజయంతో టీమిండియా లీగ్ దశలో ఒక్క మ్యాచ్ కూడా ఓడిపోకుండా నాకౌట్‌కు చేరింది. సెమీ ఫైనల్లో ఆసీస్‌పై వరుణ్ తన మ్యాజిక్ కొనసాగిస్తాడని అభిమానులు ఆశిస్తున్నారు.
సినిమా కలలు, ఆర్కిటెక్ట్ కెరీర్ – 26 ఏళ్ల తర్వాత క్రికెట్‌లో ప్రవేశం
మ్యాచ్ అనంతరం తన జర్నీ గురించి మాట్లాడిన వరుణ్, 26 ఏళ్ల వయసులో క్రికెట్‌ను ప్రారంభించానని వెల్లడించాడు. అంతకు ముందు తాను ఓ ఆర్కిటెక్ట్‌గా పని చేసేవాడినని, సినిమాల్లోకి వెళ్లాలనుకున్నానని చెప్పాడు. కానీ, అదృష్టం క్రికెట్ వైపు తిప్పింది. 2021 ప్రపంచకప్‌లో చేదు అనుభవాన్ని ఎదుర్కొన్నప్పటికీ, కోహ్లీ, రోహిత్ శర్మల మద్దతుతో తిరిగి ఫామ్‌లోకి వచ్చానని వివరించాడు.
