ఐకాన్ స్టార్ అల్లు అర్జున్ బర్త్ డే స్పెషల్.. మళ్లీ వెండితెరపై 'ఆర్య 2'!
ఐకాన్ స్టార్ అల్లు అర్జున్ ఇప్పుడు ప్రపంచవ్యాప్తంగా భారీ ఫ్యాన్ బేస్ ఉన్న హీరో. ఇటీవల, ఆయన నటించిన పుష్ప 2 సినిమా పాన్ ఇండియా బాక్సాఫీస్‌ను షేక్ చేస్తూ ₹1800 కోట్ల కి పైగా వసూళ్లను రాబట్టి సరికొత్త రికార్డును నమోదు చేసింది. ఇప్పుడు కోలీవుడ్ సెన్సేషన్ అట్లీ దర్శకత్వంలో బన్నీ ఓ భారీ ప్రాజెక్ట్ చేయనున్నాడు.
అల్లు అర్జున్ – సుకుమార్ కాంబినేషన్ సెన్సేషన్ క్రియేట్ చేసింది. పుష్ప, పుష్ప 2 సినిమాల తరువాత వీరి క్రేజ్ మరో స్థాయికి వెళ్లిపోయింది. అయితే, వీరి కలయికలో వచ్చిన మొదటి సినిమా ఆర్య 2. 2009లో వచ్చిన ఈ మూవీ అప్పట్లో సెన్సేషన్ అయ్యింది. అల్లు అర్జున్ స్టైలిష్ నటన, దేవి శ్రీప్రసాద్ అద్భుతమైన సంగీతం, సుకుమార్ బ్రిలియంట్ స్క్రీన్‌ప్లే ఈ సినిమాను ఆడియన్స్ ఫేవరేట్ మూవీగా నిలిపాయి.
ఇప్పుడు రీరిలీజ్ ట్రెండ్ నడుస్తున్న నేపథ్యంలో, మేకర్స్ ఆర్య 2 ను ఏప్రిల్ 5, 2024 న థియేటర్లలో తిరిగి విడుదల చేయనున్నట్లు ప్రకటించారు. ఇది అల్లు అర్జున్ అభిమానులకు గొప్ప కిక్కివ్వనుంది. ఆదిత్య ఆర్ట్స్ బ్యానర్‌పై బీవీఎస్‌ఎన్ ప్రసాద్ సమర్పణలో, ఆదిత్యబాబు నిర్మించిన ఈ చిత్రంలో నవదీప్, కాజల్ అగర్వాల్ ముఖ్య పాత్రల్లో నటించారు. దాదాపు 15 సంవత్సరాల తరువాత, ఈ సినిమా మళ్లీ వెండితెరపై సందడి చేయనుంది!
అల్లు అర్జున్ తదుపరి ప్రాజెక్ట్స్ విషయానికి వస్తే, Pushpa 2 బ్లాక్‌బస్టర్ హిట్ అయిన తర్వాత, ఇప్పుడు డైరెక్టర్ అట్లీ తో ఓ భారీ బడ్జెట్ సినిమా చేయడానికి సిద్ధమవుతున్నారు. ఆ తర్వాత, త్రివిక్రమ్ శ్రీనివాస్ డైరెక్షన్‌లో మరో సినిమా చేయనున్నాడు.
