హైదరాబాద్ శంషాబాద్‌లోని రాజీవ్ గాంధీ ఇంటర్నేషనల్ ఎయిర్‌పోర్ట్ 2024–25 ఆర్థిక సంవత్సరంలో కొత్త రికార్డు సృష్టించింది. ఈ కాలంలో ఎయిర్‌పోర్ట్ 15.20% ప్రయాణికుల వృద్ధితో మొత్తం 21.3 మిలియన్ల మంది ప్రయాణికులను నమోదు చేసింది. దీని ద్వారా చెన్నై, కోల్‌కతా వంటి ప్రధాన ఎయిర్‌పోర్ట్‌లను అధిగమించింది.

ఈ సంవత్సరం జనవరి నుండి మార్చి వరకు, కేవలం మూడు నెలల్లోనే 7.4 మిలియన్ల ప్రయాణికులు ఈ విమానాశ్రయం ద్వారా ప్రయాణించారు. ఇది సాధారణంగా నెలకి వచ్చే 2 మిలియన్ల కంటే చాలా ఎక్కువ. దేశీయ మరియు అంతర్జాతీయ ట్రాఫిక్ రెండింటిలోనూ ఈ పెరుగుదల కనపడింది.

అంతర్జాతీయ రూట్లలో కూడా భారీ ప్రయాణికుల సంఖ్య నమోదైంది. ప్రతి నెలా సగటున 93,000 మంది డుబాయ్‌కు, 42,000 దోహాకు, 38,000 అబుదాబీకి, 31,000 జెడ్డాకు, మరియు 31,000 మంది సింగపూర్‌కు ప్రయాణించారు. ఈ వేగం ఇలాగే కొనసాగితే వచ్చే ఆర్థిక సంవత్సరంలో 30 మిలియన్ల మార్క్‌ను చేరవచ్చని అధికారులు చెప్పారు.