పవన్ కళ్యాణ్ ప్రధాన పాత్రలో 'హరిహర వీరమల్లు'
ఏఎం రత్నం నిర్మాణం, భారీ చిత్రం హరిహర వీరమల్లు
ఫిబ్రవరి 24న 'కొల్లగొట్టినాదిరో' సాంగ్ విడుదల
సాంగ్ ప్రోమోకు అద్భుతమైన రెస్పాన్స్
పవర్ స్టార్ పవన్ కళ్యాణ్ నటిస్తున్న భారీ చిత్రం హరిహర వీరమల్లు పార్ట్-1: స్వోర్డ్ ఆఫ్ స్పిరిట్ పీరియాడిక్ బ్యాక్‌డ్రాప్‌లో తెరకెక్కుతోంది. ఈ చిత్రంలో రెండో సింగిల్ కొల్లగొట్టినాదిరో సాంగ్ ఫిబ్రవరి 24న విడుదల కానుంది. ఈ పాట ప్రోమో నేడు విడుదల చేయబడింది, మరియు యూట్యూబ్‌లో ఈ ప్రోమోకు అద్భుతమైన రెస్పాన్స్ వస్తోంది. లైక్లు సంఖ్య విపరీతంగా పెరిగిపోతుంది.
"కోర కోర మీసాలతో కొదమ కొదమ అడుగులతో" అంటూ సాగిన ఈ పాటలో పవన్ కళ్యాణ్ తో పాటు హీరోయిన్ నిధి అగర్వాల్ మరియు నటి అనసూయ కనిపిస్తారు. ఆస్కార్ విన్నర్ మ్యూజిక్ డైరెక్టర్ ఎంఎం కీరవాణి ఈ పాటకి బాణీలు ఇచ్చారు, మరియు చంద్రబోస్ సాహిత్యం అందించారు. మంగ్లీ, రాహుల్ సిప్లిగంజ్, రమ్య బెహరా, యామిని ఘంటసాల ఈ పాటను ఆలపించారు.
హరిహర వీరమల్లు చిత్రానికి ప్రారంభంలో క్రిష్ జాగర్లమూడి దర్శకత్వం వహించారు. అయితే, చిత్రీకరణ పూర్తి కాకముందే క్రిష్ ఈ ప్రాజెక్ట్ నుండి వైదొలగారు. ఆయన స్థానంలో, ఈ చిత్ర నిర్మాత ఏఎం రత్నం కుమారుడు జ్యోతికృష్ణ దర్శకత్వ బాధ్యతలు స్వీకరించారు. తాజాగా, సాంగ్ ప్రోమో రిలీజ్‌లో 'దర్శకత్వం జ్యోతికృష్ణ-క్రిష్ జాగర్లమూడి' అని టైటిల్స్‌లో చూపించడాన్ని గమనించవచ్చు.
హరిహర వీరమల్లు చిత్రం మార్చి 28న ప్రపంచవ్యాప్తంగా థియేటర్లలో విడుదల కానుంది.
