మనం రోజూ ఉదయం సామాన్యంగా ఇడ్లీ, దోశ, ఉప్మా ఇలాంటి టిఫిన్స్ చేస్తుంటాం.... ఇలానే ఎంతో సులువుగా అయిపోయే టిఫిన్, తినేకొద్ది తినాలనిపించే టమోటో రైస్ ఈ రోజు మనం చూద్దాం ...ఇది కేవలం 5 నుంచి 10 నిమిషాల్లో పూర్తి ఐపోతుంది. చాలా టేస్టీగా ఉండే టమోటో రైస్ చిటికెలో ఎలా చేసేయొచ్చో చూసేద్దాం.

కావలసిన పదార్థాలు :- 

ఆయిల్ - 2 టేబుల్ స్పూన్లు

బిర్యాని ఆకు - ఒకటి

దాల్చిన చెక్క- కొంచెం

లవంగాలు - 2

యాలకలు -1

కరివేపాకు - 2 రెబ్బలు

ఉల్లిపాయలు - 2 చిన్నవి

మిరపకాయలు - 5 

పసుపు - 1/2 టీ స్పూను

అల్లం పేస్ట్ - 1 టీ స్పూను

టమోటోలు - 3 చిన్నవి

కారం - 1 టేబుల్ స్పూను

గరం మసాలా - 1/2 టీ స్పూను

ఉప్పు - రుచికి తగినంత

అన్నం - 2 కప్పులు

తయారీ విధానం :-

ముందుగా కళాయిలో నూనె పోసి వేడి చెయ్యాలి. నూనె వేడయ్యాక బిర్యాని ఆకు, దాల్చిన చెక్క , యాలకులు, లవంగాలు, కరివేపాకు వేసి వేయించాలి. ముక్కలుగా కోసిన ఉల్లిపాయలు , మిరపకాయలు, అల్లం పేస్ట్, పసుపు వేసి వేయించాలి. చిన్న ముక్కలుగా కోసుకున్న టమోటోలు వేసి మెత్తగా అయ్యే వరకు ఉడకనివ్వాలి. గరంమసాలా, కారం, ఉప్పు వేయాలి. ఇప్పుడు అన్నం వేసి బాగా కలపాలి. అంతే వేడి వేడి టమోటో రైస్ రెడీ.