ప్రదీప్ రంగనాథన్, కయాదు లోహర్, అనుపమ పరమేశ్వరన్ ప్రధాన పాత్రల్లో నటించిన 'రిటర్న్ ఆఫ్ ది డ్రాగన్' సినిమా ఫిబ్రవరి 21వ తేదీన విడుదలైంది. తెలుగు, తమిళ భాషల్లో థియేటర్లలో విడుదలైన ఈ సినిమాకు అశ్వత్ మారిముత్తు దర్శకత్వం వహించారు. కామెడీ డ్రామాగా రూపొందిన ఈ సినిమాకు లియోన్ జేమ్స్ సంగీతం అందించాడు.

పెద్దగా అంచనాలు లేకుండా థియేటర్లలో విడుదలైన ఈ సినిమా ఇప్పుడు బాక్సాఫీస్ వద్ద ఒక మంచి విజయం సాధిస్తోంది. 35 కోట్ల రూపాయల బడ్జెట్‌తో తెరకెక్కిన ఈ సినిమా ఇప్పటివరకు 120 కోట్లకు పైగా వసూళ్లను రాబట్టిందని తెలుస్తోంది. చాలా ప్రాంతాల్లో ఈ సినిమా ఇంకా తన జోరు కొనసాగిస్తున్నట్లు అంటున్నారు. ఈ విజయంతో, ముందు ఈ నెల 21న స్ట్రీమింగ్ చేయాలని ఉన్న నెట్‌ఫ్లిక్స్, ఇప్పుడు ఈ నెల 28కి వాయిదా వేసిందని చెబుతున్నారు.

కథ విషయానికి వస్తే... హీరో ఒక కాలేజ్‌లో ఇంటర్ చదువుతుంటాడు. అప్పుడే అతను ప్రేమలో పడతాడు. దీంతో అతని చదువు గందరగోళంగా మారుతుంది. తర్వాత అతను మళ్లీ తను నడవాల్సిన దారిలో నిలబడడానికి చాలా సమయం తీసుకుంటాడు. అప్పుడు అతను తన జీవితంలో సక్సెస్ అవుతాడు. గతంలో అతని జీవితంలో తప్పిపోయిన వారు ఆ సమయంలో తిరిగి వస్తారు. ఆ సమయంలో జరిగే సంఘటనలు అన్నీ కథ.