అక్రమ యాప్‌లను ప్రమోట్ చేయలేదని రానా, విజయ్ దేవరకొండ స్పష్టీకరణ
రానా దగ్గుబాటి, విజయ్ దేవరకొండ తమ మీడియా బృందాల ద్వారా అధికారిక ప్రకటనలు విడుదల చేశారు. వారు కేవలం చట్టపరంగా అనుమతించబడిన స్కిల్-బేస్డ్ గేమ్స్‌కే మద్దతు ఇచ్చామని స్పష్టం చేశారు. ప్రతి ఒప్పందానికి ముందు వారి లీగల్ టీమ్ పూర్తిగా పరిశీలించిన తర్వాతే మద్దతు ఇచ్చారని తెలిపారు.
ప్రకాష్ రాజ్ 2017 తర్వాత ఎటువంటి ప్రమోషన్ చేయలేదని వెల్లడి
ప్రకాష్ రాజ్ 2016లో ఒక గేమింగ్ యాప్‌కు ప్రచారం చేసినప్పటికీ, అది తప్పుడు పని అని భావించి 2017లో ఒప్పందాన్ని రద్దు చేసుకున్నానని తెలిపారు. అప్పటి నుంచి ఈ తరహా ఆన్‌లైన్ గేమింగ్ ప్రకటనలకు దూరంగా ఉన్నానని వివరించారు.
సైబరాబాద్ పోలీసుల కేసు వివరాలు
సైబరాబాద్ పోలీసులు ఈ కేసులో ఆరు మంది నటులు, 19 మంది సోషల్ మీడియా ఇన్ఫ్లుఎన్సర్లపై కేసులు నమోదు చేశారు. భారత న్యాయ సంహిత, తెలంగాణ గేమింగ్ చట్టం, ఐటి చట్టం కింద విభాగాలతో ఈ కేసును నమోదు చేశారు. పిర్యాదుదారుడు సెలబ్రిటీలు ఈ యాప్‌లను ప్రమోట్ చేయడం వల్ల ప్రజలు ఆర్థికంగా నష్టపోతున్నారని తెలిపారు.
