త్వరలో క్యాన్సర్ వ్యాక్సిన్ అందుబాటులోకి: కేంద్ర మంత్రి ప్రతాప్రావ్ జాధవ్
కేంద్ర ఆరోగ్య, కుటుంబ సంక్షేమ శాఖ సహాయ మంత్రి ప్రతాప్రావ్ జాధవ్ మాట్లాడుతూ మహిళలను ప్రభావితం చేసే క్యాన్సర్‌పై పోరాడేందుకు కొత్త వ్యాక్సిన్ మరో ఐదు నుంచి ఆరు నెలల్లో అందుబాటులోకి రానుందని ప్రకటించారు. 9 నుండి 16 సంవత్సరాల మధ్య వయస్సున్న బాలికలకు మాత్రమే ఈ వ్యాక్సిన్ అందించనున్నారు.
శోధన & క్లినికల్ ట్రయల్స్ తుదిదశలో
మీడియాతో మాట్లాడిన ఆయన, వ్యాక్సిన్‌పై పరిశోధనలు తుది దశకు చేరుకున్నాయని, ప్రస్తుతం క్లినికల్ ట్రయల్స్ జరుగుతున్నాయని వెల్లడించారు. దేశంలో క్యాన్సర్ కేసులు పెరుగుతున్నందున దీనిపై ప్రభుత్వం తగిన చర్యలు తీసుకుంటుందని ఆయన హామీ ఇచ్చారు.
ప్రభుత్వం ప్రాధాన్యం ఇస్తున్న ముందస్తు నిర్ధారణ
తదుపరి వైద్య పరీక్షల కోసం 30 ఏళ్లు పైబడిన మహిళలకు ఆసుపత్రుల్లో స్క్రీనింగ్ నిర్వహించనున్నట్లు తెలిపారు. అంతేకాక, క్యాన్సర్ నిర్ధారణ, చికిత్స సదుపాయాలను మెరుగుపరచడానికి డేకేర్ క్యాన్సర్ సెంటర్లు ఏర్పాటు చేయనున్నట్లు వెల్లడించారు.
క్యాన్సర్ మందులపై కస్టమ్స్ సుంకం రద్దు
అలాగే, క్యాన్సర్ చికిత్సలో ఉపయోగించే మందులపై కస్టమ్స్ సుంకాన్ని రద్దు చేసినట్లు మంత్రి ప్రకటించారు. రాబోయే వ్యాక్సిన్ బ్రీస్ట్ క్యాన్సర్, మౌత్ క్యాన్సర్, సర్వైకల్ క్యాన్సర్‌ల నియంత్రణలో సహాయపడుతుందని ఆయన వివరించారు.
