భారతీయ సినిమా నృత్య చరిత్రలో ప్రభుదేవా ప్రత్యేక స్థానం సంపాదించారు. అతని అద్వితీయమైన నృత్యశైలి దశాబ్దాలుగా ప్రేక్షకులను ఆకట్టుకుంది. అతని లయబద్ధమైన, ఉప్పొంగే కదలికలు చూసినవారు, "ఇతనికి ఎముకలే లేవా?" అని ఆశ్చర్యపోతారు. "భారతీయ మైకేల్ జాక్సన్" అని పిలువబడే ప్రభుదేవా, నృత్యదర్శకుడిగా మాత్రమే కాకుండా, నటుడిగా మరియు దర్శకుడిగా కూడా తన ప్రతిభను ప్రదర్శించారు.
ఇటీవల, ప్రభుదేవా తన కుమారుడు రిషి రఘవేంద్రను ప్రజలకు పరిచయం చేశారు. చెన్నైలో జరిగిన ఒక ప్రత్యేక ఈవెంట్‌లో తండ్రి-కొడుకులు కలిసి స్టేజ్‌పై డాన్స్ చేసి ప్రేక్షకులను అలరించారు. ఈ కార్యక్రమానికి సినీ రంగంలోని ప్రముఖులు, నటి, నటీనటులు హాజరయ్యారు. తర్వాత, ప్రభుదేవా ఇన్‌స్టాగ్రామ్ లో తన కొడుకుతో చేసిన డాన్స్ వీడియోను పంచుకున్నారు, ఇది అభిమానుల నుండి మంచి స్పందనను అందుకుంది.
ఈ రోజు, ప్రభుదేవా తన కుమారుడితో రిషి రఘవేంద్ర తో కలిసి ఒక ఫోటోను సోషల్ మీడియాలో షేర్ చేశారు. ఆయన దానికి "Continuity" (కొనసాగింపు) అనే ఒక పదాన్ని క్యాప్షన్‌గా ఇచ్చారు. ఇది ఆయన తన కళాత్మక వారసత్వాన్ని తన కుమారుడు కొనసాగిస్తాడని భావిస్తున్నారనే సూచన ఇస్తుంది. ఇది రిషి భవిష్యత్తు గురించి అభిమానుల్లో ఉత్కంఠను పెంచింది.
